دارالافتاء اھلسنت (دعوت اسلامی)
زَمْل (زا کے زبر اور میم کے سکون کے ساتھ) ایک صحابی رسول (صلی اللہ تعالی علیہ وآلہ وسلم و رضی اللہ تعالی عنہ) کا نام ہے، ان کی مناسبت سے بچے کا نام زَمْل رکھ سکتے ہیں کہ حدیث پاک میں اچھوں کے نام پرنام رکھنے کا فرمایا گیا ہے، اور اس سے امید ہے کہ ان کی برکت بچے کے شامل حال ہوگی۔
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
زَمْل (زا کے زبر اور میم کے سکون کے ساتھ) ایک صحابی رسول (صلی اللہ تعالی علیہ وآلہ وسلم و رضی اللہ تعالی عنہ) کا نام ہے، ان کی مناسبت سے بچے کا نام زَمْل رکھ سکتے ہیں کہ حدیث پاک میں اچھوں کے نام پرنام رکھنے کا فرمایا گیا ہے، اور اس سے امید ہے کہ ان کی برکت بچے کے شامل حال ہوگی۔
الفردوس بماثور الخطاب میں ہے "تسموا بخياركم" ترجمہ: اپنے اچھوں کے نام پر نام رکھو۔ (الفردوس بماثور الخطاب، جلد2، صفحہ58، حدیث: 2328، دار الكتب العلمية، بيروت)
اسد الغابۃ فی معرفۃ الصحابہ میں ہے”زمل بن عمرو “ (اسد الغابۃ فی معرفۃ الصحابۃ، جلد 2، صفحہ 320، دار الکتب العلمیۃ، بیروت)
تاج العروس من جواہر القاموس میں ہے ”وزَمْلُ، بالفَتْحِ“ (تاج العروس من جواہر القاموس، جلد39، صفحہ 140، دار احیاء التراث)
صدر الشریعہ مفتی محمد امجد علی اعظمی رَحْمَۃُ اللہ تَعَالٰی عَلَیْہِ لکھتے ہیں: ”بچہ کا اچھا نام رکھا جائے۔ ہندوستان میں بہت لوگوں کے ایسے نام ہیں، جن کے کچھ معنی نہیں یا اون کے برے معنی ہیں، ایسے ناموں سے احتراز کریں۔ انبیائے کرام علیہم الصلاۃ والسلام کے اسمائے طیبہ اور صحابہ و تابعین و بزرگان دِین کے نام پر نام رکھنا بہتر ہے، امید ہے کہ اون کی برکت بچہ کے شاملِ حال ہو۔“ (بہار شریعت، جلد3، حصہ 15، صفحہ356، مکتبۃ المدینۃ، کراچی)
وَاللہُ اَعْلَمُ عَزَّوَجَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَ سَلَّم
مجیب: ابو حفص مولانا محمد عرفان عطاری مدنی
فتوی نمبر:WAT-4531
تاریخ اجراء:20جمادی الثانی1447ھ/12دسمبر2025ء