شادی کی تصویر پرنٹ آؤٹ کروانے کا حکم

   کیا فرماتے ہیں علماء کرام اس مسئلہ کے بارے میں کہ آج کل فوٹوگرافی کا رواج ہے تو کیا کاغذ پر شادی وغیرہ کی تصویر پرنٹ کروانا جائز ہے یا نہیں، رہنمائی فرما دیجئے؟

بِسْمِ اللہِ الرَّحْمٰنِ الرَّحِيْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَ الصَّوَابِ

   کاغذ وغیرہ پرشادی وغیرہ کسی موقع کی کسی جاندار کی  تصویر پرنٹ کروانا،  ناجائز و حرام ہے۔

   تصویربنانےپرعذاب کےمتعلق صحیح بخاری شریف میں ہے۔ حضرت عبداللہ رضی اللہ تعالی عنہ فرماتےہیں:

   ”سمعت النبي صلى الله عليه و سلم يقول ان اشدالناس عذابا عند الله يوم القيامة المصورون“

   ترجمہ: میں نےنبی کریم صلی اللہ تعالی علیہ وسلم کوفرماتےہوئے سناکہ بےشک قیامت کےدن اللہ کےنزدیک سب سےزیادہ عذاب والے، وہ ہیں جوتصویربنانےوالےہیں۔ (صحیح البخاری، کتاب اللباس، باب عذاب المصورین یوم القیامۃ، ج 7، ص 187، مطبوعہ دار طوق النجاۃ)

   اسی بارےمیں ایک اورحدیث پاک میں ہے

   "ان الذین یصنعون ھذہ الصور یعذبون یوم القیمۃ یقال لھم احیوا ما خلقتم"

   ترجمہ: بیشک یہ جوتصویریں بناتےہیں، قیامت کےدن عذاب دیے جائیں گے۔ ان سےکہاجائےگا: یہ صورتیں جوتم نےبنائی تھیں، ان میں جان ڈالو۔(صحیح البخاری، کتاب اللباس، باب عذاب المصورین یوم القیامۃ، ج 2، ص 880، مطبوعہ کراچی)

   جاندارکی تصویر بنانے کی حرمت کےمتعلق مرقاۃ المفاتیح میں ہے:

   ”قال اصحابنا و غيرهم من العلماء تصوير صورة الحيوان حرام شديد التحريم و هو من الكبائر لانه متوعد عليه بهذا الوعيد الشديد المذكور فی الاحاديث“

   ترجمہ:ہمارےاصحاب اوردیگرعلماء کرام نےفرمایا: حیوانات کی تصویربناناشدیدحرام ہےاوریہ کبیرہ گناہوں میں شامل ہے، کیونکہ اس پراحادیث میں شدیدوعیدآئی ہے۔ (مرقاۃ المفاتیح، باب التصاویر، ج 7، ص 2848، دار الفکر، بیروت)

   سیدی اعلیٰ حضرت امام اہلسنت مولانا الشاہ امام احمد رضا خان علیہ رحمۃ الرحمٰن فتاویٰ رضویہ میں فرماتے ہیں: ”حضور سرور عالم صلی للہ تعالی علیہ و سلم نے ذی روح کی تصویر بنانا، بنوانا، اعزازاً اپنے پاس رکھنا سب حرام فرمایا ہے اوراس پر سخت سخت وعیدیں ارشاد کیں اور ان کے دور کرنے ، مٹانے کاحکم دیا؛ احادیث اس بارے میں حدِ تواترپر ہیں۔“(فتاویٰ رضویہ، جلد 21 ، صفحہ 426، رضا فاؤنڈیشن، لاھور)

وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللّٰہُ تَعَالٰی عَلَیْہِ وَ اٰلِہٖ وَ سَلَّم