دارالافتاء اھلسنت (دعوت اسلامی)
سوال
کیا خواتین احرام کی حالت میں موزے (Socks)پہن سکتی ہیں؟
جواب
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
احرام کی حالت میں عورتوں کو دستانےاور موزے پہننے کی اجازت ہے،اس میں کوئی حرج نہیں۔
مبسوط سرخسی میں ہے:
”ولا بأس لها أن تلبس القفازين هكذا روي عن سعد بن أبي وقاص- رضي الله عنه - أنه كان يلبس بناته القفازين في الإحرام“
ترجمہ:حالتِ احرام میں عورت کے لئے دستانے پہننے میں کوئی حرج نہیں ،جیسا کہ حضرت سعد بن ابی وقاص رضی اللہ تعالیٰ عنہ سے مروی ہے کہ آپ احرام کی حالت میں اپنی بیٹیوں کو دستانے پہناتے تھے۔(المبسوط للسرخسی،ج 4،ص 128،دار المعرفۃ،بیروت)
بہار شریعت میں ہے: ”(احرام میں ) عورت کو چند باتیں جائز ہیں:۔۔۔ دستانے، موزے، سلے کپڑے پہننا۔“(بہار شریعت۔ملتقطا،ج1،حصہ 6،ص1083،مکتبۃ المدینۃ، کراچی)
وَاللہُ اَعْلَمُ عَزَّوَجَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَ سَلَّم
مجیب:مولانا جمیل احمد غوری عطاری مدنی
فتوی نمبر:Web-2222
تاریخ اجراء:10رمضان المبارک1446ھ/11مارچ2025ء