مجیب:مولانا محمد شفیق عطاری مدنی
فتوی نمبر:WAT-3392
تاریخ اجراء: 15جمادی الاخریٰ 1446ھ/18دسمبر2024ء
دارالافتاء اہلسنت
(دعوت اسلامی)
سوال
کیا اللہ عزوجل کے لیے ”نظر رحمت “ کہنا جائز ہے؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
جی ہاں ، اللہ پاک کے لیےنظرِ رحمت کا لفظ بولنے میں حرج نہیں جیسے یوں کہا جائے" یا اللہ پاک! ہم پر نظر ِ رحمت فرما" وغیرہ ، کیونکہ نظرِ رحمت کا مطلب بنتا ہے :"رحمت کی نظر ۔"اوراللہ تعالی کے نظرفرمانےکاذکرقرآن وحدیث میں موجودہے ۔
قرآن پاک میں ہے (ثُمَّ جَعَلْنٰكُمْ خَلٰٓىٕفَ فِی الْاَرْضِ مِنْۢ بَعْدِهِمْ لِنَنْظُرَ كَیْفَ تَعْمَلُوْنَ)ترجمہ کنزالایمان: پھر ہم نے ان کے بعد تمہیں زمین میں جانشین کیا کہ دیکھیں تم کیسے کام کرتے ہو۔(سورہ یونس، پ11، آیت14)
کنز العمال میں ہے” إن الله تعالى ينظر إلى عباده يوم عرفة فلا يدع أحدا في قلبه مثقال ذرة من الإيمان إلا غفر له “ ترجمہ : بےشک اللہ تعالیٰ یومِ عرفہ (یعنی عرفہ کے دن ) اپنے بندوں کی طرف نظر فرماتا ہے،تو جس شخص کے دل میں ذرہ برابر بھی ایمان ہوتا ہے ، اللہ پاک اس کی بخشش فرما دیتا ہے۔(کنز العمال،رقم الحدیث 12093،ج 5،ص 69،مؤسسة الرسالة)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم