حق مہر مؤجل کیا زکوۃ کے نصاب میں شامل ہوگا؟
بِسْمِ اللہِ الرَّحْمٰنِ الرَّحِیْمِ
مہر مؤجل پر زکوٰۃ کا حکم؟
دارالافتاء اہلسنت (دعوت اسلامی)
سوال
حق مہر مؤجل کیا نصاب میں شامل ہوگا؟
جواب
حق مہر جو مؤجل ہو وہ دینِ ضعیف ہےلہٰذا جب تک عورت کو وصول نہیں ہو جاتا، نصاب میں شامل نہیں ہوگا۔ ہاں عورت کو حق مہر وصول ہو گیا توجس دن سے اس کے قبضہ میں آئے گا شمارِ زکوۃ میں آئےگا یعنی اگر یہ پہلے سے صاحبِ نصاب تھی تو یہ مال بھی دیگر مالِ زکوۃ کے ساتھ ملا لیا جائے گا اور اسی کے سالِ تمام پر کل کی زکوۃ لازم ہوگی جبکہ زکوۃ کی دیگر شرائط پائی جائیں۔ اگر پہلے سے صاحبِ نصاب نہ تھی تو جس دن سے مہر وصول ہُوا اگر بقدرِ نصاب ہے اُسی وقت سے سال شروع ہوا جب سال مکمل ہوگا اس وقت اس کی زکوۃ دینی ہوگی جبکہ زکوۃ کی شرائط پائی جائیں۔
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
مجیب:مولانا رضا محمد مدنی
فتوی نمبر: Web-1583
تاریخ اجراء:14رمضان المبارک1445 ھ/25مارچ2024 ء