دارالافتاء اھلسنت (دعوت اسلامی)
سوال
عورت کے سمٹ کر سجدہ کرنے پر کوئی حدیث بتا دیں۔
جواب
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
عورت سمٹ کر سجدہ کرے ،اس کے متعلق امام بیہقی رحمۃ اللہ تعالیٰ علیہ اپنی سنن میں حدیث پاک نقل کرتے ہیں
’’عن يزيد بن أبي حبيب، أن رسول الله صلى الله عليه وسلم مرّ على امرأتين تصليان فقال: إذا سجدتما فضما بعض اللحم إلى بعض فإن المرأة ليست في ذلك كالرجل لأنھا عورۃ مستورۃ۔‘‘
یعنی: حضرت یزید بن ابی حبیب رضی اللہ تعالیٰ عنہ سے روایت ہےکہ رسول اللہ صلی اللہ تعالیٰ علیہ و آلہ وسلم دو عورتوں کے قریب سے گزرے جبکہ وہ دونوں نماز پڑھ رہی تھیں، تورسول اللہ صلی اللہ تعالیٰ علیہ وآلہ وسلم نے ارشاد فرمایا کہ جب تم سجدہ کرو تو بعض گوشت کو بعض سے ملالواس لئے کہ عورت اس میں مرد کی طرح نہیں ہے کیونکہ وہ عورت اور چھپانے لائق چیز ہے۔(السنن الکبریٰ للبیہقی ج 2 ص 223)
وَاللہُ اَعْلَمُ عَزَّوَجَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَ سَلَّم
مجیب:مولانا عابد عطاری مدنی
فتوی نمبر:Web-2169
تاریخ اجراء:22رجب المرجب1446ھ/23جنوری 2025ء