دار الافتاء اھلسنت (دعوت اسلامی)
سوال
کیا ”یاسر“ نام کے کوئی صحابی رسول صلی اللہ تعالی علیہ و آلہ و سلم ہیں؟
جواب
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَ الصَّوَابِ
جی ہاں! یاسر نام کے صحابی رسول ہیں اور یہ حضرت عمار رضی اللہ تعالی عنہ کے والد ماجدکا نام ہے۔ اسد الغابہ میں ہے
"ياسر بن عامر العنسي والد عمار بن ياسر۔۔۔ و لم يزل ياسر و ابنه عمار مع أبي حذيفة إلى أن مات، و جاء الإسلام، فأسلم ياسر و سمية و عمار، و أخوه عبد الله بن ياسر، و كان ياسر و عمار و أم عمار يعذبون في الله"
ترجمہ: یاسر بن عامر عنسی جو حضرت عمار بن یاسر کے والد ہیں۔۔۔ یاسر اور ان کے بیٹے عمار حضرت ابو حذیفہ کی وفات تک ان کے ساتھ رہے۔ اسلام آیا، تو حضرات یاسر، سمیہ اور عمار رضی اللہ عنھم نے اسلام قبول کیا، نیز ان کے بھائی حضر ت عبد اللہ بن یاسر نے بھی، اور حضرات یاسر، عمار اور عمار کی والدہ کو اللہ کی راہ میں تکلیفیں دی جاتی تھیں۔ (اسد الغابۃ فی معرفۃ الصحابۃ، ج 05، ص 433، دار الكتب العلمية، بیروت)
وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم
مجیب: مولانا محمد سعید عطاری مدنی
فتوی نمبر: WAT-3819
تاریخ اجراء: 12 ذو القعدۃ الحرام 1446 ھ/ 10 مئی 2025 ء