فتوی نمبر:WAT-423
تاریخ اجراء:20جمادی الاخری1443ھ/24جنوری2022
دارالافتاء اہلسنت
(دعوت اسلامی)
سوال
دو قرآن پاک ، ایک بڑی سائز میں ہوجبکہ دوسرا چھوٹے سائز میں اس کے اوپر رکھا ہو ، قرآن کریم اٹھاتے ہوئے اوپر والا قرآن پاک نظر نہ آنے کی وجہ سے زمین پر گر جائے ، تو کیا حکم ہے؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
قرآن پاک اگر غلطی سے زمین پر گر جائے ، تو گناہ نہیں ہے اور نہ ہی کوئی صدقہ وکفارہ لازم ہے ۔ فورا ادب سے اٹھا کر ادب کی جگہ رکھ دیا جائے ۔ لیکن ہر ایک پر لازم ہے کہ قرآن پاک احتیاط و ادب سے دیکھ بھال کر اٹھائے اور ایسی بے احتیاطیوں سے بچے کہ جس سے قرآن پاک کی بے ادبی ہو سکتی ہو ۔
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
کتبہ
المتخصص فی الفقہ الاسلامی
ابو حذیفہ محمد شفیق عطاری