مجیب: مولانا محمد انس رضا عطاری مدنی
فتوی نمبر: WAT-1852
تاریخ اجراء:07محرم الحرام1445ھ/26جولائی2023 ء
دارالافتاء اہلسنت (دعوت اسلامی)
سوال
عالم الخلق سے کیا مراد ہے اس کی وضاحت کر دیں۔
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
عالم خلق سے مرادوہ چیزیں ہیں ،جومادہ سے پیدا ہوتی ہیں جیسے انسان، حیوان، نباتات، جمادات، زمین وآسمان وغیرہا کہ نطفہ وتخم وعناصر سے بنے ہیں چنانچہ
فتاوی رضویہ میں ہے” عالم دوہیں: عالم امروعالم خلق۔( اَلَا لَهُ الْخَلْقُ وَ الْاَمْرُؕ -تَبٰرَكَ اللّٰهُ رَبُّ الْعٰلَمِیْنَ)(سن لو اسی کے ہاتھ ہے پیدا کرنا اور حکم دینا بڑی برکت والا ہے اللہ رب سارے جہان کا)(پارہ 8،سورۃ الاعراف،آیت 54)
عالم خلق وہ چیزیں جومادہ سے پیدا ہوتی ہیں جیسے انسان، حیوان، نباتات، جمادات، زمین وآسمان وغیرہا کہ نطفہ وتخم وعناصر سے بنے۔ اورعالم امروہ جوصرف امرکن سے بنا، اس کے لئے کوئی مادہ نہیں جیسے ملائکہ و ارواح و عرش و لوح و قلم و جنت و نار وغیرہ۔ (فتاوی رضویہ،ج 26،ص 600،رضا فاؤنڈیشن،لاہور)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
