مجیب: مولانا عبدالرب شاکر عطاری مدنی
فتوی نمبر:WAT-2306
تاریخ اجراء: 15جمادی الثانی1445 ھ/29دسمبر2023 ء
دارالافتاء اہلسنت (دعوت اسلامی)
سوال
کیا خودکشی کرنے والا کبھی جنت میں نہیں جائے گا؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
خودکشی کرنا، گناہ کبیرہ ،حرام اورجہنم میں لے جانے والا کام ہے۔ تاہم اگر کوئی مسلمان خود کشی کو حلال سمجھ کر نہ کرے، تو وہ دائرہ اسلام سے خارج نہیں ہوگا، کیونکہ بندے کے گناہ جتنے بھی ہو،ں اگر وہ اس دنیا سے ایمان کی حالت میں رخصت ہوگا، تووہ جنت میں ضرورداخل ہوگا، ہاں جنت میں کب جائے گا تواس کے متعلق کنفرم نہیں کہا جا سکتا، یا تو وہ پہلے اپنے گناہوں کی سزا پانے کے لیے جہنم میں جائے گا اور سزا پانے کے بعد جنت میں جائے گا اور یہ بھی ممکن ہے کہ اللہ پاک محض اپنے فضل و کرم سے اس کے گناہوں کومعاف فرما کر ابتداءً ہی (جہنم میں داخل کیے بغیرہی) اسے جنت میں داخل فرمادے۔
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
