دار الافتاء اہلسنت (دعوت اسلامی)
ہم کسی شخص کا کوئی عیب وغیرہ اس کے پیچھے بتائیں لیکن اس شخص کا نام نہ لیں تو کیا یہ غیبت ہے؟
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَايَةَ الْحَقِّ وَ الصَّوَابِ
کسی شخص کا نام لیے بغیر اس کا عیب برائی کے طور پر کسی کو بتایا جائے اور سامع (سننے والا) نہ سمجھ پائے کہ یہ کس شخص کے عیب کی بات ہو رہی ہے تو یہ غیبت نہیں ہے اور اگر سامع (سننے والا) سمجھ رہاہے کہ فلاں شخص کے عیب کی بات ہورہی ہے اگرچہ اس شخص کا نام ذکر نہ کیا جائے تو غیبت ہے۔
غیبت کی تباہ کاریاں میں ہے: "نام لیے بغیر غیبت کرنا گناہ نہیں ہاں اگر نام تو نہ لیا مگر جس کو کہہ رہا ہے وہ سمجھ رہا ہے کہ کس کے بارے میں بات ہورہی ہے تو اب غیبت ہے۔ (غیبت کی تباہ کاریاں، صفحہ 232، مکتبۃ المدینہ، کراچی)
وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم
مجیب:مولانا محمد ماجد رضا عطاری مدنی
فتوی نمبر:WAT-3445
تاریخ اجراء:10رجب المرجب1446ھ/11جنوری2025ء
