دارالافتاء اھلسنت (دعوت اسلامی)
کیا بنیان اور ٹراؤزر پہن کر تلاوت کر سکتے ہیں؟؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
مستحب یہ ہےکہ باوضو ہو کر، قبلہ کی طرف منہ کرکے اور اچھےکپڑے پہن کر تلاوت قرآن پاک کی جائے، لہذا بہتر یہی ہے کہ بنیان اور ٹراؤزر کے بجائے مکمل اچھے کپڑے پہن کر تلاوت کی جائے۔ لیکن اگر کسی نے اسی حالت میں تلاوت کی تو وہ گناہ گار نہیں ہو گا۔
غنیۃ المستملی میں ہے
”ویستحب ان یکون علی طھارۃمستقبل القبلۃ لابسا احسن ثیابہ اکمالا لتعظیم القرآن“
ترجمہ: مستحب ہے کہ وہ قرآن پاک کی تعظیم کو بجا لاتے ہوئے باطہارت، قبلہ رو اچھے کپڑے پہن کر تلاوت قرآن پاک کرے۔ (غنیۃ المستملی، صفحہ427، مطبوعہ: کوئٹہ)
بہار شریعت میں ہے ”مستحب یہ ہے کہ باوضو قبلہ رو اچھے کپڑے پہن کر تلاوت کرے۔“ (بہار شریعت، جلد1، حصہ3، صفحہ550، مکتبۃ المدینہ، کراچی)
وَ اللہُ اَعْلَمُ عَزَّوَجَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَ سَلَّم
مجیب: مولانا محمد بلال عطاری مدنی
فتوی نمبر: WAT-4419
تاریخ اجراء: 19جمادی الاولی1447 ھ/11نومبر2025 ء