مجیب:مولانا
محمد شفیق عطاری مدنی
فتوی نمبر:WAT-2910
تاریخ اجراء: 20محرم الحرام1446 ھ/27جولائی2024 ء
دارالافتاء اہلسنت
(دعوت
اسلامی)
سوال
کوئی ایسی حدیث ہے جس میں
حضرت امیر معاویہ رضی اللہ عنہ کے بارے حضور صلی اللہ علیہ
وسلم نے فرمایا کہ:" معاویہ مجھ سے ہے اور میں معاویہ
سے"؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ
الْحَقِّ وَالصَّوَابِ
جی ہاں ! اس طرح کی روایت موجود ہے،جسے کئی محدثین
نے اپنی کتب میں اپنی
اسانید کے ساتھ روایت کیاہےکہ
پیارے آقا ، مکی مدنی مصطفےٰ صلی اللہ تعالی علیہ وآلہ وسلم نے حضرت سیدنا امیر
معاویہ بن ابی سفیان
رضی اللہ تعالی عنہما
کو
فرمایا :"اے معاویہ! میں
تم سے ہوں اور تم مجھ سے ہو ۔" پھر آپ صلی اللہ تعالی علیہ وآلہ وسلم نے اپنی مبارک دوانگلیوں کو ملا کر فرمایا
:" جنّت کے دروازے پر تُم میرے ساتھ اس طرح ہو گے۔"
چنانچہ مسند الفردوس میں ہے :”عن ابن عمر : يا معاوية أنت مني
وأنا منك وإنك تزاحمني على باب الجنة كهاتين “ترجمہ :
حضرت عبد اللہ بن عمر رضی اللہ عنھما سے روایت ہے کہ رسول اللہ صلی
اللہ تعالی علیہ وآلہ وسلم نے حضرت امیر معاویہ رضی
اللہ تعالی عنہ کو فرمایا :اے معاویہ! میں تم سے ہوں اور تم مجھ
سے ہو ، پھر آپ صلی اللہ تعالی
علیہ وآلہ وسلم نے 2 انگلیوں
کو ملا کر فرمایا : جنّت کے دروازے پر تُم میرے ساتھ اس طرح ہو گے۔(مسند الفردوس،رقم الحدیث
8530،ج 5،ص 393، دار
الكتب العلمية ، بيروت)
اسی طرح یہ روایت ان کتب میں بھی
موجود ہے :(السنة
لابی بکر بن الخلال ،ج 2،ص 454،رقم الحدیث 704، دار الراية ، الرياض)(تاریخ
دمشق لابن عساکر،ج 59،ص 98، دارالفکر،بیروت)(الشریعۃ للآجری،
ج 5،ص 2444،رقم الحدیث 1925، دار الوطن،الریاض )(لسان المیزان،ج
5،ص 194، دار البشائر الإسلامية)
نوٹ :اس روایت سے
متعلق اس لنک پر کلک کر کے مزید
معلومات حاصل کریں۔
https://www.facebook.com/share/p/gnTm5RzXuB4nPRLa/?mibextid=L0MuaQ
وَاللہُ اَعْلَمُ عَزَّوَجَلَّ وَرَسُوْلُہ
اَعْلَم صَلَّی اللّٰہُ تَعَالٰی
عَلَیْہِ وَاٰلِہٖ وَسَلَّم