بِسْمِ اللہِ الرَّحْمٰنِ الرَّحِیْمِ
دارالافتاء اہلسنت (دعوت اسلامی)
منی مذی اور ودی میں کیا فرق ہے؟
منی وہ سفید گاڑھاپانی ہے جو شہوت کے ساتھ اپنے مقام سے نکلتا ہے اور اس کے نکلنے کے بعد ذکر یعنی آلہ تناسل منکسر (ڈھیلا) ہو جاتا ہے یعنی شہوت ٹوٹ جاتی ہے۔ منی اگر شہوت کے ساتھ اپنے مقام سے جدا ہو کر عضو سےنکلے تو اس سے غسل فرض ہو جاتا ہے اور یہ نا پاک بھی ہوتی ہے۔
اور مذی سفید پتلا پانی ہے جو کہ شہوت کے وقت (جیسے بیوی سے کھیل کود، بات چیت وغیرہ کے دوران) نکلتا ہے اور اس کے بعد آلہ تناسل منکسر(ڈھیلا) نہیں ہوتا بلکہ مزید انتشار آتا ہے۔ مذی سے غسل فرض نہیں ہوتا البتہ وضو اس سے ٹوٹ جاتا ہے اوریہ نا پاک بھی ہوتی ہے۔
اور ودی وہ سفید پتلا پانی ہے جو کہ پیشاب کرنے کے بعد نکلتا ہے۔ اور ودی سے غسل فرض نہیں ہوتا البتہ وضو ٹوٹ جاتا ہے اوریہ ناپاک بھی ہوتی ہے ۔
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
کتبہ
المتخصص فی الفقہ الاسلامی
ابوالفیضان عرفان احمد مدنی
فتوی نمبر:WAT-586
تاریخ اجراء:23رجب المرجب 1443ھ/25فروری202
