دار الافتاء اھلسنت (دعوت اسلامی)
سوال
اگر لکڑی کی چوکی کا کوئی حصہ پتلی نجاست غلیظہ سے ناپاک ہوکر خشک ہوجائے اور وہ نظر بھی نہ آئے تو اسے کس طرح پاک کیا جائے جبکہ چوکی کے پالش والے حصہ کے ساتھ ساتھ مسام والا حصہ بھی نجس ہوا ہو؟
جواب
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَ الصَّوَابِ
لکڑی کا پالش والا حصہ جس کے مسام نہیں ہوتے وہ تو پونچھنے سے ہی پاک ہو جائے گا اور وہ حصہ جس پرپالش نہیں ہوئی اسے تین مرتبہ دھوئیں اور ہر مرتبہ اتنی دیر چھوڑدیں کہ پانی ٹپکنا بند ہو جائے تو وہ چوکی پاک ہو جائے گی۔
صدر الشریعہ مفتی امجد علی اعظمی رحمۃ اللہ علیہ فرماتے ہیں: ”آئینہ اور شیشے کی تمام چیزیں اور چینی کے برتن یا مٹی کے روغنی برتن یا پالش کی ہوئی لکڑی غرض وہ تمام چیزیں جن میں مسام نہ ہوں کپڑے یا پتے سے اس قدر پونچھ لی جائیں کہ اثر بالکل جاتا رہے، پاک ہوجاتی ہیں۔“ (بھارِ شریعت، جلد 1، صفحہ 400، مکتبۃ المدینہ، کراچی)
وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم
مجیب: مولانا محمد ماجد رضا عطاری مدنی
فتوی نمبر: Web-2268
تاریخ اجراء: 24شوال المکرم1446ھ/23اپریل2025ء