ٹرانسپورٹ میں مال کا نقصان کس کے ذمہ ہوگا؟
بسم اللہ الرحمن الرحيم
خریدو فروخت میں ٹرانسپورٹ کی وجہ سے مال ہلاک ہوجائے تو وہ کس کے ذمہ ہے؟
دار الافتاء اہلسنت (دعوت اسلامی)
سوال
جواب
شریعت اسلامیہ کی روسےخرید و فروخت ہو جانے کے بعد خریدار پر لازم ہےکہ خریدی گئی چیز کی قیمت، چیز بیچنے والے کے سپرد کر دے اور بائع (بیچنے والے شخص) پر لازم ہےکہ وہ بیچی جانے والی چیز خریدار کے سپرد کرے۔ خریدار کی طرف سے متعین کردہ شخص کے سپرد کرنا بھی خریدار کے ہی سپرد کرنا ہےکہ وہ بطور وکیل قبضہ کرتا ہے اور وکیل کا قبضہ مؤکل (اصل مالک) کا قبضہ شمار ہوتا ہے۔ پوچھی گئی صورت میں آپ نے مبیع (بیچی گئی چیز) چونکہ مشتری کی متعین کردہ ٹرانسپورٹ کمپنی کے حوالے کردی تھی، لہٰذا آپ کی طرف سے سپرد کرنا پایا گیا۔ اس کے بعد ٹرانسپورٹ کمپنی سےجو مبیع (بیچی گئی چیز) ہلاک ہوئی وہ خریدارکی ہلاک ہوئی، لہٰذا خریدارپر حسبِ وعدہ اس مبیع (بیچی گئی چیز) کی پیمنٹ لازم ہے۔
وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم
مجیب: مفتی محمد قاسم عطاری
تاریخ اجراء: ماہنامہ فیضانِ مدینہ اگست 2026ء