دارالافتاء اھلسنت (دعوت اسلامی)
ایام تشریق میں کیا جمعہ کی نماز کے بعد بھی تکبیر تشریق پڑھی جائے گی؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
جی ہاں! ایام تشریق میں جمعہ کی نماز کے بعد بھی تکبیر تشریق پڑھی جائے گی۔تنویر الابصار میں ہے:
”( یجب تکبیر التشریق مرۃ ۔۔۔عقب كل فرض أدى بجماعة مستحبة)“
یعنی:ایامِ تشریق میں ہر اُس فرض نماز کے بعد ایک بار تکبیرِ تشریق پڑھنا واجب ہے جسے جماعتِ مستحبہ کے ساتھ ادا کیا جائے۔
"عقب کل فرض" کے تحت علامہ شامی فرماتے ہیں :
”شمل الجمعۃ“
یعنی: یہ حکم جمعہ کو بھی شامل ہے۔(رد المحتار مع الدر المختار، جلد 03، صفحہ 71 تا 74، مطبوعہ کوئٹہ)
بہارِ شریعت میں تکبیر تشریق کے متعلق ہے"نفل و سنت و وتر کے بعد تکبیر واجب نہیں اور جمعہ کے بعد واجب ہے۔"(بہارِ شریعت، جلد1، حصہ 4، صفحہ 785، مکتبۃ المدینہ، کراچی)
وَاللہُ اَعْلَمُ عَزَّوَجَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَ سَلَّم
مجیب: مولانا محمد سعید عطاری مدنی
فتوی نمبر:WAT-3962
تاریخ اجراء:28ذوالحجۃالحرام1446ھ/25جون2025ء