مجیب: مولانا محمد سجاد عطاری
مدنی
فتوی نمبر: WAT-1972
تاریخ اجراء: 22صفرالمظفر1445ھ /09ستمبر2023ء
دارالافتاء اہلسنت
(دعوت اسلامی)
سوال
میرا سوال یہ ہے کہ استنجا کرنے کے بعد کیا ہاتھ پاک
ہوتے ہیں ؟کیونکہ وہ ہاتھ
شرمگاہ کو لگتے ہیں اس سے ناپاکی بھی دور کرتے ہیں۔
اور اس سےشلوار ،پینٹ اور بیلٹ بھی باندھتے ہیں تو ا س صورت
میں کیا پینٹ ،شلوار
پاک کہلائیں گے یا نہیں ؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ
الْحَقِّ وَالصَّوَابِ
استنجاکرنے
کے بعد ہاتھ پاک ہوجاتے ہیں جبکہ ان
پر کوئی ناپاکی وغیرہ نہ لگی ہوئی ہو، مگر پھر
بھی دھولینا مستحب ہوتا ہے،اورجب ہاتھ پاک ہیں تو اس سے شلوار اور
پینٹ باندھنا درست ہے اورشلوار ،پینٹ بھی پاک کہلائیں گے۔
چنانچہ
بہار شریعت میں ہے :’’
طہارت(استنجا) کے بعد ہاتھ پاک ہوگئے مگر پھر دھولینا بلکہ مٹی لگا کر
دھونا مستحب ہے‘‘۔(بہارِشریعت،ج01،حصہ
02،ص 413،مکتبۃ المدینہ ،کراچی)
وَاللہُ اَعْلَمُ عَزَّوَجَلَّ وَرَسُوْلُہ
اَعْلَم صَلَّی اللّٰہُ تَعَالٰی
عَلَیْہِ وَاٰلِہٖ وَسَلَّم