زکوۃ کی رقم کے بجائے کوئی سامان دے سکتے ہیں؟
بِسْمِ اللہِ الرَّحْمٰنِ الرَّحِيْمِ
زکوٰ ۃ کی مد میں غریب لڑکی کو واشنگ مشین یا کوئی اور چیز دینا
دارالافتاء اہلسنت (دعوت اسلامی)
سوال
زکوٰۃ کی رقم ادا کرنے کے بجائے کسی غریب لڑکی کو شادی میں واشنگ مشین یا کوئی اور سامان دے سکتے ہیں؟
جواب
جس کو زکوٰۃ میں واشنگ مشین یا کوئی اور سامان دینا ہے اگر وہ شرعی فقیر ہو اور سید یا ہاشمی نہ ہو تو اسے واشنگ مشین وغیرہ دے سکتے ہیں۔
شرعی فقیر (جس کو زکوٰۃ و دیگر صدقاتِ واجبہ دے سکتے ہیں) اس شخص کو کہتے ہیں کہ جس کی ملکیت میں ساڑھے باون (52.5) تولہ چاندی یا اس کے برابر سونا یا پیسے یا اس کے برابر حاجتِ اصلیہ سے زائد مال نہ ہو یا ہو لیکن وہ اتنا مقروض ہو کہ اس مال سے اس کا قرض مائنس کیا جائے، تو اس کی ملکیت میں ساڑھے باون تولہ چاندی کی مالیت کے برابر مال نہ رہے۔
وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم
مجیب: ابو شاھد مولانا محمد ماجد علی مدنی
فتویٰ نمبر: Web-1960
تاریخ اجراء: 11 ربیع الثانی1446ھ/15 اکتوبر 2024ء