مجیب:ابوصدیق محمد ابوبکر عطاری
فتوی نمبر:WAT-1108
تاریخ اجراء:26صفرالمظفر1444 ھ/23ستمبر2022 ء
دارالافتاء اہلسنت (دعوت اسلامی)
سوال
کچھ مسلم عورتیں شادی کے بعد سر میں سندور لگاتی ہیں میرا سوال یہ ہے کہ کیا یہ سندور لگانا درست ہے؟
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
مسلما ن عورتوں کا سندور لگانا نا جائز و حرام ہے۔ صدر الشریعہ مفتی امجد علی اعظمی رحمۃ اللہ فرماتے ہیں: سندور لگانا مثلہ میں داخل ہے اورحرام ہے نیزاس کا جرم پانی بہنے سے مانع ہوگا، جس سے غسل نہیں اترے گا۔ (فتا وی امجدیہ،جلد4،صفحہ60،مکتبہ رضویہ، کراچی)
فتاوی فقیہ ملت میں ہے: سندوریا اس کی مثل کوئی دوسرا رنگ عورتوں کو مانگ میں لگانا حرام ہے۔ (فتا وی فقیہ ملت،جلد2،صفحہ349،شبیر برادرز،لاہور)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
