دار الافتاء اھلسنت (دعوت اسلامی)
سوال
حضرت امام حسن رضی اللہ عنہ کی شہادت کس تاریخ کو ہوئی تھی؟
جواب
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَ الصَّوَابِ
نواسہ رسول، راکبِ دوش مصطفی، حضرت سیدنا امام حسن مجتبیٰ رضی اللہ عنہ کی شہادت 5 ربیع الاول 49 ھ کو مدینہ منورہ میں ہوئی۔
چنانچہ ”تاریخ الخلفاء للسیوطی“ میں ہے
و كانت وفاته سنة تسع وأربعين، وقيل: في خامس ربيع الأول سنة خمسين
ترجمہ: امام حسن رضی اللہ عنہ کی وفات 49ھ کو ہوئی اور کہاگیاہے کہ 5 ربیع الاول، مطابق 50 ھ کو ہوئی۔ (تاریخ الخلفاء للسیوطی، صفحہ 147،مكتبة نزار مصطفى الباز)
صدر الافاضل مفتی سید محمد نعیم الدین مرادآبادی رَحْمَۃُاللہ تَعَالٰی عَلَیْہِ ( سالِ وفات: 1367ھ / 1947ء) لکھتے ہیں: ”آپ نے پانچویں ربیع الاول 49ھ کو اس دارنا پائیدار سے مدینہ طیبہ میں رحلت فرمائی۔“ (سوانح کربلا، صفحہ 99، مکتبۃ المدینہ، کراچی)
وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم
مجیب: مولانا عبد الرب شاکر عطاری مدنی
فتوی نمبر: WAT-4197
تاریخ اجراء: 04ربیع الاول1447ھ/29اگست2025ء