دار الافتاء اھلسنت (دعوت اسلامی)
یہ کون سی حدیث ہے کہ ایک بارسیدنا جبریل امین علیہ الصلوۃ و السلام نے حضور صلی اللہ تعالی علیہ و آلہ و سلم کی بارگاہ میں عرض کیا:قلبت مشارق الارض و مغاربھا۔۔۔ الخ رہنمائی فرمادیں۔
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَايَةَ الْحَقِّ وَ الصَّوَابِ
سوال میں آپ نے جس حدیث مبارک کی طرف اشارہ کیا، وہ حدیث مختلف کتبِ حدیث میں درج ذیل الفاظ کے ساتھ مروی ہے۔ چنانچہ المعجم الاوسط للطبرانی، جامع الاحادیث، کنز العمال، جمع الجوامع، مجمع الزوائد اور دیگر کتب حدیث میں ہے
( و اللفظ للاول) قال: قلبت مشارق الأرض، و مغاربها، فلم أجد رجلا أفضل من محمد صلی اللہ علیہ و الہ و سلم
ترجمہ: حضرت جبریل علیہ السلام فرماتے ہیں: میں نے زمین کے مشرق و مغرب کو تلاش کیا ،لیکن میں نے کوئی شخص محمد صلی اللہ علیہ والہ وسلم سے افضل نہیں پایا۔ (المعجم الاوسط للطبرانی، جلد 6، صفحہ 237، حدیث: 6285، دار الحرمین، القاھرۃ)
وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم
مجیب: مولانا عبد الرب شاکر عطاری مدنی
فتویٰ نمبر: WAT-4116
تاریخ اجراء: 17 صفر المظفر 1447ھ / 12 اگست 2025ء