دار الافتاء اھلسنت (دعوت اسلامی)
اَحَبَّكَ الَّذِیْ اَحْبَبْتَنِیْ
تجھ سے وہ (اللہ تعالی) محبت فرمائے (جس کی خاطر) تو نے مجھ سے محبت کی۔
سنن ابو داؤد کی حدیث مبارک میں ہے:
عن أنس بن مالك، أن رجلا كان عند النبي صلی اللہ علیہ و سلم، فمر به رجل فقال: يا رسول اللہ، إني لأحب هذا، فقال له النبي صلی اللہ علیہ و سلم: أعلمته؟ قال: لا، قال: أعلمه قال: فلحقه، فقال: إني أحبك في اللہ، فقال: اَحَبَّكَ الَّذِیْ اَحْبَبْتَنِیْ
ترجمہ: حضرت انس بن مالک رضی اللہ عنہ فرماتے ہیں کہ ایک شخص نبی کریم صلی اللہ علیہ و سلم کی خدمت میں حاضر تھا کہ وہاں سے ایک اور شخص کا گزر ہوا۔ اس (پہلے شخص) نے عرض کیا: یا رسول اللہ! میں اس شخص سے محبت کرتا ہوں۔ نبی اکرم صلی اللہ علیہ و سلم نے اس سے فرمایا: کیا تم نے اسے بتادیا ہے ؟اس نے عرض کیا: نہیں۔آپ صلی اللہ علیہ و سلم نے ارشاد فرمایا: اسے بتا دو۔ حضرت انس بن مالک رضی اللہ عنہ فرماتے ہیں کہ وہ شخص اس کے پیچھے گیا اور اس سے کہا: میں تم سے اللہ کی خاطر محبت کرتا ہوں، تو اس شخص نے (جواب میں) یہ (اوپر ذکرکردہ دعا) پڑھی۔ (سنن ابو داؤد، جلد 4، صفحہ 333، رقم الحدیث: 5125، مطبوعہ المکتبۃ العصریہ، بیروت)