حطیمِ کعبہ میں نماز اور انبیائے کرام کی قبروں کا مسئلہ
حطیم اور کعبہ معظمہ کے دیگر حصوں میں نماز پڑھنا نبی کریم صلی اللہ تعالی علیہ واٰلہٖ وسلم سے لے کر آج تک رائج ہے، یہاں نماز پڑھنے کی ممانعت کہیں وارد نہیں ہوئی لہٰذا یہاں نماز پڑھ سکتے ہیں۔
اعلی حضرت امام احمد رضا خان رحمۃ اللہ تعالی علیہ بحوالہ لمعات نقل فرماتے ہیں :
”ان قبر اسمعیل علیہ الصلٰوۃ والسلام فی الحجر تحت میزاب وان فی الحطیم وبین الحجر الاسود وزمزم قبرسبعین نبیا ولم ینہ احد عن الصلاۃ فیہ“
یعنی اسماعیل علیہ السلام کی قبر میزاب کے نیچے ہے اور حطیم اور حجر اسود و زمزم کے درمیان ستر انبیاء کرام کی قبور ہیں کسی نے بھی وہاں نماز پڑھنے سے منع نہیں کیا۔ (فتاوی رضویہ، جلد7، صفحہ 304، رضا فاؤنڈیشن، لاھور)
وَاللہُ اَعْلَمُ عَزَّوَجَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَ سَلَّم
مجیب: مولانا عابد عطاری مدنی
فتوی نمبر: Web-2325
تاریخ اجراء:28ذو القعدۃالحرام1446ھ/26مئی2025ء