مجیب: ابوواصف محمد آصف عطاری
فتوی نمبر: WAT-908
تاریخ اجراء: 16ذیقعدۃالحرام1443 ھ/16جون2022 ء
دارالافتاء اہلسنت (دعوت اسلامی)
سوال
میں بیرون ملک رمضان کے ابتدائی روزے رکھ کر، رمضان میں ہی انڈیا جا رہا ہوں، یہاں (بیرون ملک) ایک دن پہلے رمضان شروع ہو جائے گا، تو اب اگر انڈیا میں تیس روزے ہوجائیں (اور بیرون ملک 29 ہوئے) تو کیا مجھے تیسواں روزہ رکھنا ہوگا؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
جس جگہ آپ موجود ہیں اور وہاں ابھی رمضان باقی ہے تو آپ روزہ رکھیں گے، چاہے بیرون ملک میں (جہاں آپ نے ابتدائی روزے رکھے تھے، وہاں) اس وقت رمضان رخصت ہوچکا ہو کیونکہ قرآن پاک میں اللہ تبارک وتعالی نے رمضان پانے پر اس کے روزے رکھنے کا حکم فرمایا ہے، اور آپ جب انڈیا میں رمضان پائیں گے تو آپ کو اس کا روزہ رکھنا ہوگا۔
چنانچہ قرآن پاک میں ارشاد باری تعالی ہے:
فَمَنْ شَهِدَ مِنْكُمُ الشَّهْرَ فَلْیَصُمْهُ
ترجمہ کنزالایمان: تو تم میں جو کوئی یہ مہینہ پائے ضرور اس کے روزے رکھے۔ (سورۃ البقرۃ،پ02،آیت185)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
