فتوی نمبر:WAT-127
تاریخ اجراء:27صفرالمظفر1443ھ/05اکتوبر2021ء
دارالافتاء اہلسنت (دعوت اسلامی)
جس طرح غنی باپ پر اپنی نابالغ اولاد کی طرف سے صدقہ فطر واجب ہوتاہے، کیا بیوہ خاتون، جو غنی ہو، اس پر بھی اپنی نابالغ اولاد کا صدقہ فطر واجب ہوگا؟
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
صاحب نصاب باپ پر نابالغ بچوں کا صدقہ فطر بھی واجب ہوتا ہے، جبکہ بچے خود مالکِ نصاب نہ ہوں، ورنہ ان کا صدقہ فطر بھی انہی کے مال سے ادا کیا جائے گا۔ البتہ ماں پراپنے چھوٹے بچوں کی طرف سے صدقہ فطر دینا واجب نہیں ہے۔
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
