مجیب: عبدالرب شاکرعطاری مدنی
فتوی نمبر: WAT-1474
تاریخ اجراء: 21رمضان المبارک1444 ھ/17اپریل2023 ء
دارالافتاء اہلسنت (دعوت اسلامی)
سوال
روزے کی حالت میں سانس لینے سے مچھر ناک کے ذریعے حلق میں چلا گیا اور اب باہر بھی نہیں آرہا تو روزے کا کیا حکم ہوگا؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
پوچھی گئی صورت میں اگر بلا قصد خود بخود مچھر اندر چلا گیا تو روزہ نہیں ٹوٹے گا، یا قصدا کھینچا لیکن اپنا روزہ دار ہونا یاد نہیں تھا تو اس صورت میں بھی روزہ نہیں ٹوٹے گا۔ اور اگر روزہ یاد ہوتے ہوئے جان بوجھ کر اندر کھینچا ہے تو روزہ ٹوٹ گیا۔
بہارشریعت میں ہے: مکھی حلق میں چلی گئی روزہ نہ گیا اور قصداً نگلی تو جاتا رہا۔ (بہار شریعت، ج01، حصہ05، ص983،مکتبۃ المدینہ)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
