مجیب: محمد عرفان مدنی عطاری
فتوی نمبر: WAT-1586
تاریخ اجراء: 29رمضان المبارک1444 ھ/20اپریل2023 ء
دارالافتاء اہلسنت (دعوت اسلامی)
روزہ افطار میں یہ دعاء پڑھنا کیسا " اللَّهُمَّ لَكَ صُمْتُ وَعَلَى رِزْقِكَ أَفْطَرْتُ؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
افطار کے وقت اس دعا کو پڑھنا جائز و کارِ ثواب ہے اورحدیث پاک سے ثابت ہے،چنانچہ سنن ابی داؤد میں حضرت معاذ بن زہرۃ رضی اللہ تعالی عنہ سے مروی ہے:
ان النبی صلی اللہ علیہ وسلم کان اذا افطر قال :اللھم لک صمت وعلی رزقک افطرت
ترجمہ: نبی کریم صلی اللہ تعالی علیہ وآلہ وسلم جب روزہ افطار کرتے تو یہ دعا پڑھتے :اے اللہ !میں نے تیرے ہی لئے روزہ رکھا اور تیرے ہی رزق پر افطار کیا ۔ (سنن ابی داؤد ،کتاب الصوم ،باب القول عند الافطار،ج1،ص342، مطبوعہ:کراچی)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم