مجیب:مولانا عابد عطاری مدنی
فتوی نمبر:Web-2050
تاریخ اجراء:14جمادی الاخریٰ1446ھ/17دسمبر2024ء
دارالافتاء اہلسنت
(دعوت اسلامی)
سوال
کوئی ایسا عمل جس سے غسل فرض ہوجاتا اور مجھے پتہ نہیں تھا کہ اس عمل سے غسل فرض ہوجاتا ہے، اس لئے میں نے وہ عمل کرکے غسل کئے بغیر کئی نمازیں بھی پڑھی ہیں، تو اب کیا کرنا چاہیے ؟
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
جن چیزوں سے غسل فرض ہوتا ہے ایک عاقل ، بالغ مسلمان کا اسے سیکھنا فرض ہے، اگر واقعی غسل فرض ہونے کی حالت میں نمازیں اداکیں تو علم حاصل نہ کرنے اور ناپاکی کی حالت میں نماز ادا کرنے کے گناہ سے توبہ کرنی ہوگی، اورجو نمازیں ناپاکی کی حالت میں پڑھی ہیں وہ تمام نمازیں دوبارہ ادا کرنی ہوں گی کہ ناپاکی کی حالت میں پڑھی جانے والی نماز ادا نہیں ہوتی۔
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم