فتوی نمبر: WAT-2981
تاریخ اجراء: 14صفر المظفر1446 ھ/20اگست2024 ء
دارالافتاء اہلسنت
(دعوت اسلامی)
سوال
حضرت بلال حبشی رضی اللہ تعالی عنہ کا اذان والا واقعہ کہ جب تک انہوں نے فجر کی اذان نہیں دی تھی تب تلک سورج طلوع نہیں ہوا تھا، کیا یہ درست ہے؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
تمام محدثین کا اس پر اتفاق ہے کہ یہ واقعہ بالکل جھوٹ اور من گھڑت ہے۔
چنانچہ اس حوالے سے فتاوی شارح بخاری میں ہے:”آپ نے جو واقعہ حضرت بلال رضی اللہ عنہ کے بارے میں لکھا ہے،اس کے قریب قریب بعض کتابوں میں درج ہے۔لیکن تمام محدثین کا اس پر اتفاق ہے کہ یہ روایت موضوع من گھڑت اور بالکلیہ جھوٹ ہے۔“(فتاوی شارح بخاری،ج 2،ص 38،مکتبہ برکات المدینہ)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم