مجیب: عبدہ المذنب محمد نوید چشتی عفی عنہ
فتوی نمبر: WAT-1465
تاریخ اجراء: 15رمضان المبارک1444 ھ/11اپریل2023 ء
دارالافتاء اہلسنت(دعوت اسلامی)
میں نے روزے کے لیےسحری کی، سحری کے بعد دانت صاف کیے پھر وضو کیا لیکن روزے کی نیت کرنا بھول گیا اور میں نے روزے کا وقت ختم ہونے کے بعد جب اذان ہورہی تھی تو روزے کی نیت کی۔کیا میرا روزہ ہوگیا؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
پوچھی گئی صورت میں آپ کا روزہ ہوگیا، کیونکہ روزے کے لیے سحری کرنا ہی روزے کی نیت ہوتا ہے یعنی اگر کوئی شخص روزہ رکھنے کے ارادے سے سحری کرلے اور الگ سے زبان سے نیت کے الفاظ ادا نہ کرے تو بھی اس کا روزہ ہو جاتا ہے۔
چنانچہ مفتی امجد علی اعظمی علیہ الرحمہ نے بہار شریعت میں فرمایا: سحری کھانا بھی نیّت ہے، خواہ رمضان کے روزے کے لیے ہو یا کسی اور روزہ کے لیے۔ (بہار شریعت، جلد01، صفحہ969، مطبوعہ مکتبۃالمدینہ کراچی)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم