صدقہ ایک بار میں کریں یا تھوڑا تھوڑا؟

کسی شخص کے پاس تین سو روپے ہیں، وہ صدقہ کرنا چاہتا ہے، تو کیا ایک ساتھ کرے یا ہر روز  دس، دس روپے نکالتا رہے؟

جواب

بِسْمِ اللہِ الرَّحْمٰنِ الرَّحِيْمِ

اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَ الصَّوَابِ

اکھٹے بھی صدقہ دے سکتے  ہیں اور روزانہ کی بنیاد پر بھی۔تاہم  بلاؤں، مصیبتوں سے بچنے کیلئے زیادہ  فائدہ مند ہر روز صدقہ دینا ہے۔

شعب الایمان میں حضرت انس رضی اللہ عنہ سے مروی ہے کہ نبی پاک صلی اللہ علیہ  و اٰلہٖ و سلم نے ارشاد فرمایا:

’’بَاکِرُوْا بِالصَّدَقَۃِ فَاِنَّ الْبَلَاءَ لَایَتَخَـطَّی الصَّدَقَۃَ‘‘

یعنی صبح سویرے صَدَقہ دِیا کرو کیونکہ  بَلا  صَدَقہ سے آگے قدم نہیں بڑھاتی۔ (شُعَبُ الايمان، جلد 03، صفحہ 214، دار الکتب العلمیۃ، بیروت)

وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم

مجیب: مولانا جمیل احمد غوری عطاری مدنی

فتوی نمبر: Web-2102

تاریخ اجراء: 02 رجب المرجب 1446 ھ/ 03 جنوری 2025 ء