دار الافتاء اھلسنت (دعوت اسلامی)
حضرت عیسی علیہ الصلوۃ والسلام کو کس پہاڑی سے اٹھایا گیا تھا؟ اس کا نام کیا ہے؟ اس حوالے سے رہنمائی فرما دیں۔
بِسْمِ اللہِ الرَّحْمٰنِ الرَّحِيْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَايَةَ الْحَقِّ وَ الصَّوَابِ
حضرت عیسی علیہ الصلوۃ و السلام کو طور زیتا سے اٹھایا گیا تھا۔ چنانچہ فضائل بیت المقدس میں ہے
قال أبو هريرة الزيتون طور زيتا. قال قتادة و الزيتون جبل عليه بيت المقدس . و قال ابو زرعة السيباني رفع عيسى من طور زيتاً
ترجمہ: حضرت ابو ہریرہ رضی اللہ عنہ نے فرمایا کہ زیتون طور زیتا ہے۔ قتادہ نے کہا زیتون اس پہاڑ کا نام ہے جس پر بیت المقدس ہے۔ ابو زرعہ سیبانی نے کہا حضرت عیسیٰ علیہ السلام کو طور زیتا سے اٹھایا گیا۔ ( فضائل بيت المقدس - ابن الجوزي، صفحہ 70، دار الآفاق الجديدة، بيروت)
وَ اللہُ اَعْلَمُ عَزَّ وَ جَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَ اٰلِہٖ وَ سَلَّم
مجیب: مولانا اعظم عطاری مدنی
فتویٰ نمبر: WAT-4141
تاریخ اجراء: 24 صفر المظفر 1447ھ / 19 اگست 2025ء