دارالافتاء اھلسنت (دعوت اسلامی)
سوال
کیا نبی پاک صلی اللہ علیہ وسلم نے خود بھی اپنی زبانِ مبارک سے درود پاک کے الفاظ ادا فرمائے ہیں؟
جواب
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
جی ہاں! ایسی روایات موجود ہیں جن میں حضور صلی اللہ علیہ وسلم نے صحابہ کرام کو درود پاک سکھاتے ہوئے خود پردرد پاک پڑھا۔
ابو داؤد شریف میں ہے:
”قال صلی اللہ علیہ وسلم قُولُوا: اللّٰهُمَّ صَلِّ عَلَی مُحَمَّدٍ النَّبِیِّ الْأُمِّيِّ وَعَلَی آلِ مُحَمَّدٍ
یعنی:حضور صلی اللہ علیہ وسلم نے صحابہ کرام سے فرمایا: پڑھو! اے اللہ نبیِ اُمی محمد اور ان کی آل پر درود نازل فرما۔(ابو داؤد، السنن، کتاب الصلاة،صفحہ125، حدیث نمبر: 981)
وَاللہُ اَعْلَمُ عَزَّوَجَلَّ وَ رَسُوْلُہ اَعْلَم صَلَّی اللہُ تَعَالٰی عَلَیْہِ وَاٰلِہٖ وَ سَلَّم
مجیب:مولانا سید مسعود علی عطاری مدنی
فتوی نمبر:Web-2187
تاریخ اجراء:25رجب المرجب1446ھ/26جنوری 2025ء