مجیب: عبدہ المذنب محمد نوید چشتی عفی عنہ
فتوی نمبر: WAT-1016
تاریخ اجراء: 27محرم الحرام1444 ھ/26اگست2022 ء
دارالافتاء اہلسنت (دعوت اسلامی)
روزے کی حالت میں ہونٹوں پرویسلین(Vaseline) لگانا کیسا ہے؟
بِسْمِ اللہِ الرَّحْمٰنِ الرَّحِیْمِ
اَلْجَوَابُ بِعَوْنِ الْمَلِکِ الْوَھَّابِ اَللّٰھُمَّ ھِدَایَۃَ الْحَقِّ وَالصَّوَابِ
روزے کی حالت میں ہونٹوں پرویسلین وغیرہ لگانے سے احتیاط کرنا ضروری ہے کیونکہ تھوک وغیرہ کے ذریعے اس کے حلق سے اترنے کا اندیشہ ہوتا ہے، اگر کسی طرح حلق سے نیچےاتر گئی، تو روزہ ٹوٹ جائےگا۔ اورحلق سے نہ بھی اترنے دے لیکن منہ میں اس کا ذائقہ محسوس ہو تو لگانا مکروہ ہے کہ بلا عذر روزے کی حالت میں کسی شے کا چکھنا مکروہ ہے۔
درمختارمیں ہے:
(وكره) له (ذوق شيء و) كذا (مضغه بلا عذر)
ترجمہ: اور مکروہ ہے روزہ دار کے لیے بلا عذر کسی چیز کا چکھنا اور اسی طرح اس کا چبانا۔ (درمختارمع ردالمحتار،کتاب الصوم،باب مایفسدالصوم ومالایفسدہ، ج02، ص416، دارالفکر، بیروت)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
